Rodas de fricción

As rodas de fricción son dous discos que se tocan pola súa periferia. Ao apertalos un contra o outro, o rozamento entre os materiais fai que o xiro da roda motriz pase á roda conducida, que xira en sentido contrario.

No punto de contacto a velocidade é a mesma nas dúas rodas, porque se non patinarían. Diso sae a relación cinemática:

n₁ · d₁ = n₂ · d₂

onde d é o diámetro de cada roda e n as súas revolucións por minuto.

É un sistema sinxelo e silencioso, pero ten un inconveniente: non pode transmitir grandes potencias, porque as rodas esvararían. Úsase en atraccións de feira, en tocadiscos e en máquinas pequenas.